ស្រីស្អាតតៃវ៉ាន់ មុនពេលស្លាប់ បានសុំអោយប្រើរូបភាពសិចស៊ីរបស់នាង ដាក់តាំងក្នុងពិធីបុណ្យសព
ស្រីស្អាតតៃវ៉ាន់ម្នាក់ ដែលមានឈ្មោះថា Lin Yaruo បានស្លាប់បាត់បង់ជីវិត កាលពីពេលថ្មីៗនេះ ដោយនាងត្រូវ រថយន្ដក្រុងបុក ខណៈពេលដែលនាង កំពុងធ្វើដំណើរកំសាន្ត នៅប្រទេសអូស្រ្តាលី។
តាមប្រភពពត៌មានបានអោយដឹងថា Lin Yaruo បានរៀបចំដំណើរកំសាន្ត ជាលក្ខណៈឯកជន នៅឯសមុទ្រខ្សាច់ ប្រទេសអូស្ត្រាលី ដោយនាងមានបំណង ចង់ជិះកង់លេង តែម្នាក់ឯងនៅទីនោះ។
ជាអកុសល Lin Yaruo ត្រូវបានរថយន្តក្រុង បុកពេញទំហឹង ខណៈពេលដែលនាងកំពុងជិះកង់លេងកំសាន្តនោះ ហើយប៉ូលីសបាននិយាយថា មូលហេតុមកពី ឡានក្រុងនោះ មិនបានបើកភ្លើង និង មិនបានឃើញ នាងដែលកំពុងតែជិះកង់គ្មានភ្លើងដូចគ្នា។
អ្វីដែលគួរអោយរន្ធត់ទៀតនោះ Lin Yaruo ហាក់បីដូចជាដឹងនូវ ថ្ងៃមរណារបស់នាង ដោយនាង បានបង្ហោះ រូបថត និង ពាក្យសំដីនៅក្នុងគណនីយរបស់នាងថា បើសិនជានាងស្លាប់លើវាលខ្សាច់នេះ សូមអោយយករូបភាពមួយសន្លឹកនេះ ធ្វើជារូបតំណាងក្នុងពិធីបុណ្យសពផង។
ពេលនេះ នាងពិតជាបានដូចបំណងមែន។
តើប្រិយមិត្តយល់ថា មនុស្សយើង អាចដឹងថា ខ្លួនឯងនឹងមានគ្រោះថ្នាក់មុនមែនទេ?
