តារាចម្រៀងប្រុសដែលមានប្រជាប្រិយ១០រូបប្រចាំ២០១៣
រាប់ពីលេខ ១០ ទៅ ថ្ងៃនេះ nob70 នឹងបង្ហាញពីតារាចម្រៀងលំដាប់ពិភពលោក ១០ រូបដែលមានប្រជាប្រិយភាពជាងគេក្នុងឆ្នាំ ២០១៣។ តើតារាទាំង ១០ រូបនេះ មានតារា nob70 របស់អ្នកដែរឬទេ? ចង់ដឹងច្បាស់ តោះ ! តាមដានទាំងអស់គ្នា។
ចំណាត់ថ្នាក់លេខ ១០ បានទៅលើ Justin Bieber។ JB ជាតារាចម្រៀងជនជាតិកាណាដាមួយរូប ដែលមានអ្នក Follow នៅលើ Twitter ចំនួន ៤១ លាននាក់។
ចំណែកឯលេខ ៩ គឺលោក David Guetta ជាអ្នកចម្រៀងផង និងជាអ្នកនិពន្ធតន្រ្ដីផង។ សព្វថ្ងៃលោកមានអ្នកគាំទ្រ ៤៣ លាននាក់ក្នុងហ្វេសបុក ចំណែកឯ Twitter វិញគឺមាន ១០ លាននាក់។ បទដែលធ្វើឱ្យលោកល្បីគឺបទ ” When Loves Take Over ” ចេញលក់កាលពីឆ្នាំ ២០០៩។
លេខ ៨ គឺបានទៅលើតារាចម្រៀងប្រុសក្បាលត្រងោល Pitbull។ ” Give Me Everything ” ជាបទដែលធ្វើឱ្យគេស្គាល់ Pitbull ល្បីរន្ទឺជុំវិញពិភពលោក។ អ្នកគាំទ្ររបស់លោកមាន ៣៤ លាននាក់ក្នុងហ្វេសបុក ហើយ Twitter វិញគឺ ១២ លាននាក់។
ងាកមករកលេខ ៧ វិញ គឺលោក Jeson Derulo ម្ចាស់បទ ” Watcha Say ” ចេញលក់កាលពីឆ្នាំ ២០០៩ មានអ្នកទាញយកចំនួន ៥ លាននាក់។ ឥឡូវនេះលោកមានអ្នកគាំទ្រ ១០ នាក់លើបណ្ដាញទំនាក់ទំនងសង្គមហ្វេសបុក រីឯ Twitter មាន ២ លាននាក់។
លេខ ៦ ធ្លាក់ទៅលើដៃរបស់តារាចម្រៀងដែលទើបតែបង្ហើបប្រាប់គេឯងថា លោកបានបាត់បងភាពកំលោះតាំងពីអាយុ ៨ ឆ្នាំ គឺ Chris Brown។ Chris Brown ទទួលបាន Grammy Award នៅឆ្នាំ ២០១១ តាមរយៈ Album F.A.M.E។ អ្នកគាំទ្រដែលបានចុច Like លើ Page របស់លោកមានដល់ទៅ ៣០ លាននាក់ ហើយ ១២ លាននាក់ទៀត គឺ Follow តាមរយៈ Twitter។
លេខ ៥ មិត្តអ្នកអានទាំងអស់គ្នាប្រហែលជាមិនសូវស្គាល់ទេ ហើយ nob70 ក៏មិនស្គាល់ដែរ។ លោក Taio Cruz ជាម្ចាស់បទ ” Break Your heart ”។ បច្ចុប្បន្ននេះមានមនុស្ស ១ លាននាក់កំពុងតែ Follow លោកលើ Twitter ចំណែកឯហ្វេសបុកវិញមាន ១០ លាននាក់បានចុច Like លើ Official Page របស់លោក។
លេខ ៤ nob70 ជឿជាក់ថាមិត្តអ្នកអានពិតជាស្គាល់ច្បាស់ហើយ គឺលោក Adam Levine ម្ចាស់បទ ” One More Night”។ Adam ទទួលបានពាន Grammy Award ចំនួន ៣ ពាន , ២ ពានពី Music Award ចំណែកឯ ២ ទៀតបានមកពី American Music Award។ ឥឡូវនេះ Adam Levine មាន ២ លាន Facebook Fan និង ៤ លាន Twitter Followers។
ចំណាត់ថ្នាក់លេខ ៣ គឺជាតារាចម្រៀងដែលមានអ្នកគាំទ្រលើ Facebook ចំនួន ២៩ លាននាក់ និង ១១ លានលើ Twitter។ ក្រៅពីទទួលបានពានជាច្រើននោះ Drake ក៏មាន Album ឆ្នាំ ២០១៣ មួយមានឈ្មោះថា Nothing was the Same ដែលជា Album ធ្វើឱ្យលោកល្បីជុំវិញពិភពលោក។
អីយ៉ាស់ ! Usher តារាចម្រៀងដែលជាអ្នកធ្លាប់បង្ហាត់បង្រៀន Justin Bieber ឱ្យឈានជើងចូលសិល្បៈលើកដំបូងពេលនេះ ទទួលបានចំណាត់ថ្នាក់លេខ ២ លើតារាងតារាដែលមានប្រជាប្រិយភាពឆ្នាំ ២០១៣។ អ្នកគាំទ្រមាន ៤០ លាននាក់លើ Facebook និង ១ លាននាក់លើ Twitter។
លេខ ១ គឺធ្លាក់ទៅលើម្ចាស់បទ ” Lazy Song ” Bruno Mars។ ” Just the way your are ”, “ Grenade ” និង ” When I was your man ” សុទ្ធតែជាបទដែលធ្វើឱ្យលោកមានឈ្មោះល្បីលំដាប់ពិភពលោកលេខ ១ ប្រចាំឆ្នាំ ២០១៣។ អ្នកគាំទ្រមាន ៣៧ លាននាក់នៅហ្វេសបុក និង ១០ លានទៀតគឺនៅលើ Twitter។
ឆ្នាំនេះ Bruno Mars ជាប់លេខ ១ ជាតារាដែលមានប្រជាប្រិយភាពជាងគេ។ ចុះឆ្នាំក្រោយតើអ្នកណាទៅហ្ន៎?
ដោយ nob70
ប្រភព៖ top10click
