ចាំអត់ ! U23កម្ពុជាឈ្នះ BIDC Cup 2009 ទទួលបានម៉ូតូម្នាក់មួយគ្រឿង
កាលពីឆ្នាំ ២០០៩ ដែលជាឆ្នាំដំបូងក្នុងពានរង្វាន់ BIDC Cup ក្រុម U23 កម្ពុជាបានគ្រងជើងឯក ហើយកាលនោះ ឯកឧត្តម សៅ សុខា ប្រធានសហព័ន្ធកីឡាបាល់ទាត់កម្ពុជា បានទិញម៉ូតូម៉ាក Honda Dream 2009 ចំនួន ៣១ គ្រឿង ផ្ដល់ឱ្យកីឡាករម្នាក់មួយគ្រឿង ដើម្បីលើកទឹកចិត្ត។
គិតត្រឹមឆ្នាំនេះ មានចំនួន ៣ លើក ហើយដែលពានរង្វាន់បាល់ទាត់យុវជនក្រោមអាយុ២៣ឆ្នាំប្រចាំមហាអនុតំបន់ទន្លេមេគង្គ ឬ BIDC Cup បានបង្កើតឡើង និង ជាឆ្នាំទី៣ ដែលកម្ពុជាទទួលសិទ្ធធ្វើជាម្ចាស់ផ្ទះ។
ឯកឧត្តម សៅ សុខា ផ្ដល់ម៉ូតូដល់កីឡាករម្នាក់មួយគ្រឿង (រួបថត៖ ប្លុក របស់andybrouwer)
BIDC Cup 2009
BIDC Cup ឆ្នាំដំបូងនេះបានអញ្ជើញភ្ញៀវក្នុងតំបន់ឥណ្ឌូចិនមកចូលរួមប្រកួតចាប់ពីថ្ងៃទី ៨ ដល់ ១៤ វិច្ឆិកា ឆ្នាំ ២០០៩ នៅកីឡដ្ឋានជាតិ ដោយមានក្រុមចូលរួមចំនួន ៤ រួមមាន ក្លិបThe Vissai Ninh Binh (វៀតណាម), Hoang Anh Gia Lai (វៀតណាម), U23 ឡាវ និង U23 កម្ពុជា ជាម្ចាស់ផ្ទះ។ ការប្រកួតកាលនោះចាប់ពីម៉ោង ៣ : ៣០ នាទីរសៀល មួយប្រកួត និង ៦ ល្ងាច នៅកីឡដ្ឋានជាតិ។
ជាលទ្ធផល ក្រុម U23 កម្ពុជា លើកពាន ក្រោយយកឈ្នះក្រុម Hoang Anh Gia Lai នៅវគ្គផ្ដាច់ព្រ័ត្រក្នុងលទ្ធផល ២ – ១។ ក្រុមជើងឯកកម្ពុជាទទួលបានប្រាក់រង្វាន់ចំនួន ២ ម៉ឺនដុល្លារ ចំណែកឯក្រុមជើងឯករង Hoang Anh Gia Lai ទទួលបាន ១ ម៉ឺនដុល្លារ ខណៈក្រុមលេខ ៣ ទទួលទឹកប្រាក់ ៥ ពាន់ដុល្លារ។
ក្រុមកម្ពុជាលើកពាន BIDC Cup 2009
អ្នកចាំទី សំរឹទ្ធ សីហា ក្លាយជាអ្នកចាំទីល្អប្រចាំរដូវកាល ខណៈ Top Scoreបានទៅកីឡាករ Evaldo របស់ក្លិប Hoang Anh Gia Lai ដោយអ្នកទាំង ២ ទទួលបានពានរង្វាន់ម្នាក់មួយនឹងទឹកប្រាក់ម្នាក់ ១ ពាន់ដុល្លារ។
| លទ្ធផលប្រកួត BIDC Cup 2009 | ||||
| ថ្ងៃប្រកួត | ម៉ោងប្រកួត | លទ្ធផល | ||
| ៨/១១/២០០៩ | ៣ : ៣០ រសៀល | The Vissai Ninh Binh | ១ – ១ | U23 ឡាវ |
| ៦ ល្ងាច | Hoang Anh Gia Lai | ២ – ៣ | U23 កម្ពុជា | |
| ១០/១១/២០០៩ | ៣ : ៣០ រសៀល | The Vissai Ninh Binh | ០ – ៣ | Hoang Anh Gia Lai |
| ៦ ល្ងាច | U23 កម្ពុជា | ២ – ១ | U23 ឡាវ | |
| ១២/១១/២០០៩ | ៣ : ៣០ រសៀល | U23 ឡាវ | ០ – ៣ | Hoang Anh Gia Lai |
| ៦ ល្ងាច | U23 កម្ពុជា | ០ – ១ | The Vissai Ninh Binh | |
| វគ្គលេខ ៣ (ប្រកួតមុន)និង វគ្គផ្ដាច់ព្រ័ត្រ | ||||
| ១៤/១១/២០០៩ | ៣ : ៣០ រសៀល | The Vissai Ninh Binh | ១ – ០ | U23 ឡាវ |
| ៦ ល្ងាច | Hoang Anh Gia Lai | ២ – ៣ | U23 កម្ពុជា | |
BIDC Cup 2011
BIDC Cup 2011 ចាប់ផ្ដើមប្រកួតពីថ្ងៃទី ៨ ដល់ ១៦ តុលា ២០១១ ដោយមានក្រុមចំនួន៨ រួមមាន ថៃ, មីយ៉ាន់ម៉ា, ឡាវ, វៀតណាម, ចិន (Hong Xiang FC) និង ម្ចាស់ផ្ទះកម្ពុជា។ កាលនោះ លក់សំបុត្របានប្រាក់ជាង ៤៦លានរៀល ហើយប្រាក់ទាំងនោះបាន ប្រគល់ដល់ជនរងគ្រោះដោយទឹកជំនន់ តាមរយៈកាកបាទក្រហមកម្ពុជា។
អត្ថបទពាក់ព័ន្ធ៖ មីយ៉ាន់ម៉ា បើកកំណត់ត្រាដំបូងរបស់ខ្លួន
| វគ្គជម្រុះតាមពូល ពានរង្វាន់ BIDC Cup 2011 | |
| ពូល A | ពូល B |
| វៀតណាម | កម្ពុជា |
| ចិន (Hong Xiang FC) | ឡាវ |
| ថៃ | មីយ៉ាន់ម៉ា |
រូបថតជាច្រើនជុំវិញ BIDC Cup 2011 សូមចុចទីនេះ…
ក្រុម មីយ៉ាន់ម៉ា ជាជើងឯក ទទួល បាន ២ម៉ឺនដុល្លារអាមេរិក ស្របពេល ថៃ ក្លាយជាជើងឯករងទទួលបាន១ម៉ឺនប្រាំពាន់ដុល្លារអាមេរិក។ ក្រុមម្ចាស់ផ្ទះ កម្ពុជា និង វៀតណាមជាប់ចំណាត់ថ្នាក់លេខ៣ ទទួលបាន ១ម៉ឺនដុល្លារអាមេរិក។ ដោយឡែក ក្រុមកម្ពុជា ជាប់ជាក្រុម Fair Play ដោយទទួលបានទឹកប្រាក់ ១ ពាន់ដុល្លារអាមេរិកបន្ថែម។ រីឯពានរង្វាន់កីឡាករស៊ុតបានច្រើនបំផុតក្នុងកម្មវិធីបានទៅលើកីឡាករលេខ៩ថៃ Pakorn Parmpak ទទួលបាន១ពាន់ដុល្លារអាមេរិក ដែលស៊ុតបាន៥គ្រាប់តាំងពីដើមកម្មវិធី។
ក្រុមមីយ៉ាន់ម៉ា លើកពាន BIDC Cup 2011
| លទ្ធផលនៃការប្រកួត BIDC Cup 2011 | |||||
| ថ្ងៃប្រកួត | ពូល | លទ្ធផល | ទីលាន | ||
| ៨ តុលា ២០១១ | A | វៀតណាម | ១ – ១ | ចិន | ពហុកីឡដ្ឋានជាតិ |
| B | កម្ពុជា | ២ – ០ | ឡាវ | ||
| ១០ តុលា ២០១១ | B | ឡាវ | ០ – ៤ | មីយ៉ាន់ម៉ា | |
| A | ចិន | ២ – ៧ | ថៃ | ||
| ១២ តុលា ២០១១ | A | ថៃ | ៣ – ០ | វៀតណាម | |
| B | មីយ៉ាន់ម៉ា | ២ – ២ | កម្ពុជា | ||
| ១៤ តុលា ២០១១ | Semi Final | ថៃ | ២ – ១ | កម្ពុជា | |
| មីយ៉ាន់ម៉ា | Pen ៦ – ៥ (១ – ១) | វៀតណាម | |||
| ១៦ តុលា ២០១៣ | Final | ថៃ | ១ – ២ (១ – ១ ) | មីយ៉ាន់ម៉ា | |
ពានរង្វាន់ BIDC Cup 2013
មានក្រុមចូលរួមចំនួន ៦ ក្រុមដោយបែងចែកជា ២ ពូល ក្នុងនោះពូល A មាន វៀតណាម ថៃ និង មីយ៉ាន់ម៉ា ចំណែកពូល B មាន កម្ពុជា ឡាវ និង ម៉ាឡេស៊ី។ ឆ្នាំនេះការប្រកួតមានផ្សាយផ្ទាល់តាមទូរទស្សន៍ជាតិកម្ពុជា (TVK) នៅថ្ងៃបើកឆាក និង មានផ្សាយផ្ទាល់តាមទូរទស្សន៍ MY TV នៅប្រកួតបន្តបន្ទាប់។ ចំណែកសំបុត្រចូលទស្សនាមានលក់ ៤ ពាន់រៀល នៅកន្លែងមានម្លប់ និង ២ ពាន់រៀលនៅកន្លែងអង្គុយខាងក្រៅជុំវិញទីលានប្រកួត។
ឯកឧត្តម សៅ សុខា ប្រធានសហព័ន្ធកីឡាបាល់ទាត់កម្ពុជា ចាប់ពូល BIDC Cup 2013
អត្ថបទពាក់ព័ន្ធ៖ U23កម្ពុជាត្រូវប្តូរឲ្យជួបក្រុមខ្លាំងថ្ងៃបើកឆាកBIDC Cup 2013
ធនាគារ BIDC នឹងបន្ថែមទឹកប្រាក់ ១ ម៉ឺនដុល្លារដល់ក្រុម កម្ពុជា ឬ វៀតណាម ដែលមានលទ្ធភាពដណ្ដើមជយលាភីពីលើទឹកប្រាក់ ២ ម៉ឺនដុល្លារ ដែលរង្វាន់តម្កល់ស្រាប់ និង បន្ថែម ៥ ពាន់ដុល្លារ ប្រសិនក្រុមណាមួយក្នុងចំណោម ២ នេះជាប់ចំណាត់ថ្នាក់លេខ ២ ពីលើប្រាក់រង្វាន់ ១ ម៉ឺនដុល្លារដែលត្រៀមទុក។ មិនតែប៉ុណ្ណោះ កីឡាករទាត់ចូលទីច្រើនជាងគេ, កីឡាករល្អជាងគេ និង អ្នកចាំទីល្អ នឹងទទួលបានថវិកា ម្នាក់ ១ ពាន់ដុល្លារអាមេរិក៕
យើងរង់ចាំតាមដានទាំងអស់គ្នាថា តើក្រុមមួយណានឹងលើកពានរង្វាន់ BIDC Cup 2013 នេះ?
អត្ថបទ៖ ម៉ឺន រស្មី
