កម្មកររោងចក្រកាត់ដេរម្នាក់ គាបក្បាលចូលម៉ាស៊ីនយ៉ាងរន្ធត់
ចិន៖ តាមប្រភពពត៌មាន បានអោយដឹងថា កម្មកររោងចក្រ កាត់ដេរសំលៀកបំពាក់ម្នាក់ ជួបគ្រោះថ្នាក់ គាបក្បាលចូលក្នុង ម៉ាស៊ីនគួរអោយរន្ធត់បំផុត ខណៈពេលដែលកំពុង បំពេញការងារ។ តាមការរាយការណ៍ របស់ភ្នាក់ងារសារពត៌មាន បានអោយដឹងផងដែរថា ហេតុការណ៍នេះកើតឡើង នៅក្នុងរោងចក្រកាត់ដេរ សំលៀកបំពាក់មួយកន្លែង នៅក្នុងតំបន់ Wenzhou ភាគខាងកើតខេត្ត Zhejiang ប្រទេសចិន។ ក្នុងហេតុការណ៍ គួរអោយរន្ធត់នោះផងដែរ ត្រូវបានគេ អោយដឹងទៀតថា កម្មករម្នាក់ ត្រូវបានសន្លប់ បាត់បង់ស្មារតី បាត់ទៅហើយមុនពេលដែល មានគេមកឃើញនោះ ហើយទាំងកម្មករ ដែលធ្វើការជាមួយគ្នា ព្រមជាមួយនឹង ក្រុមអ្នកជួយសង្គ្រោះ បានខឹតខំប្រឹងប្រែង យ៉ាងខ្លាំងដើម្បីជួយ សង្គ្រោះបុរសម្នាក់នោះ។ គួរបញ្ជាក់ផងដែរថា គេមិនទាន់ដឹងពីមូលហេតុ ច្បាស់លាស់ដែល ធ្វើអោយកម្មករម្នាក់នេះ គាបក្បាលជាប់ នឹងម៉ាស៊ីនមួយនេះឡើយ ហើយពេលនេះ គេកំពុងតែធ្វើការជួយសង្គ្រោះជនរងគ្រោះនៅឯមន្ទីពេទ្យ៕
