អាជ្ញាធរចិនឈឺក្បាលនិងសម្រស់របស់ Fan Bingbing
តារាសំដែង និងម៉ូដែលដ៏ល្បីល្បាញរបស់ចិន ត្រូវបានគេស្គាល់ថាជាតារាដែលមានដងខ្លួន និងមុខមាត់ទាក់ទាញបំផុត ជាហេតុធ្វើឲ្យនារីៗជាច្រើនចំណាយប្រាក់វះកាត់កែសម្ផស្សធ្វើឲ្យដូចនាង។
តែរឿងនេះ កំពុងតែធ្វើឲ្យអាជ្ញាធរឈឺក្បាលព្រោះ មាននារីជាច្រើនមានមុខមាត់ដូចនាង Fan Bingbing ស្របពេលដែលកំពស់ និងសម្តីសំដៅមិនដូចគ្នា ជាពិសេសគឺខុសពីអត្តសញ្ញាណដើម។
កាលពីពេលថ្មីៗនេះ មាននារី២នាក់ ដែលមានមុខមាត់ដូចនាង Fan Bingbing ត្រូវបានឃាត់ខ្លួនដោយសារតែមុខរបស់ពួកនាង ខុសពីផ្ទៃមុខដែលនៅនឹងអត្តសញ្ញាណប័ណ្ឌ និងលិខិតឆ្លងដែន។ ការឃាត់ខ្លួននេះត្រូវបានធ្វើឡើងនៅ កំពង់ផែហ្កុងបេ នៅក្រុងហ្ស៊ូហៃ ហើយប៉ុលីសថា គ្រាន់តែធ្វើការសាកសួរតែប៉ុណ្ណោះ។
ស្រ្តីទាំងនោះបានប្រាប់ថា នាងបានវះកាត់តច្រមុះ ដាក់ត្របកភ្នែក២ជាន់ ច្រិបចង្ការនិងថ្គាមអោយតូចនិងវះកាត់ភ្នែកអោយធំ ។ដើម្បីបញ្ជាក់អត្តសញ្ញាណ ពួកគេត្រូវបង្ហាញរូបថតកាលពីមុនពេលធ្វើការវះកាត់ និងរូបឆ្អឹងដែលត្រូវបានវះកាត់ចេញ ធ្វើយ៉ាងណាឲ្យដូច Fan Bingbing បេះបិតតែម្តង៕
ប្រភពពី៖ www.neavea.com
