ក្រុម​ជម្រើស​ជាតិ​អាយុ​ក្រោម​២៣​ឆ្នាំ​របស់​ថៃ​ដែល​ត្រៀម​បញ្ជូន​មក​ចូលរួម​ប្រកួត​ BIDC Cup 2013 នៅ​ដើម​ខែ​វិច្ឆិកា​នេះ​ មិនមែន​ជា​ឈុត​ U23 ដែល​ត្រៀម​ស៊ីហ្គេម​នៅ​មីយ៉ាន់ម៉ា​នោះ​ទេ​ គឺ​មាន​តែ​ប្រមាណ​៥​នាក់​ប៉ុណ្ណោះ​ ហើយ​៤​នាក់​ទៀត​មក​ពី​ឈុត​ U19​ ។​ នេះ​បើ​តាម​គេហទំព័រ​ goal.com របស់​ថៃ។​

សូម​ចុច​អាន៖  U23កម្ពុជា​ត្រូវ​ប្តូរ​ឲ្យ​ជួប​ក្រុម​ខ្លាំង​ថ្ងៃ​​បើក​ឆាក​BIDC Cup 2013

កីឡាករ​ទាំង​៤​នាក់​ដែល​កំពុង​ស្ថិត​ក្នុង​បញ្ជី​ U23 ថៃ​ សម្រាប់​ត្រៀម​ស៊ីហ្គេម​មាន​ អ្នកចាំទី​ អានុស៊ីត​ តឿមមី​ ដែល​ធ្លាប់​លេង​នៅ​ AFF U19 Championship 2013​ របស់​ Bangkok United ខែ្សការពារ​ អេកាស៊ីត​ ឆាវបុត្រ​ របស់​ Paknampho FC និង​ សាក់កាដា ហ្វាយអ៊ីន​ មក​ពី​ Osotspa Saraburi FC ។​ ខ្សែបម្រើ​ សារ៉ាត់ យូយេន​ របស់​ Nakhonrachasima FC និង​ខ្សែប្រយុទ្ធ​ BEC Tero Sasana អានុន​ សាន់ម៉ាត​ ក៏​មាន​មុខ​ក្នុង​ឈុត​នេះ​ដែរ។​

ចំណែក​កីឡាករ​ទាំង​៤​នាក់​ ដែល​ធ្លាប់​លេខ​នៅ​ឈុត​ U19 ក្នុង​ព្រឹត្តិការណ៍​ AFF U19 Championship 2013​ នៅ​ ឥណ្ឌូណេស៊ី​ មាន​ ខ្សែបម្រើ​ ភីធីវ៉ាត់ ស៊ុកជិតថាំម៉ាគុណ របស់​ Nunthaburi FC និង​ អាត់ថាវីដ ស៊ុកឈួយ នៃ​ Ratchaburi FC​ ។​ រីឯ​ ខ្សែប្រយុទ្ធ​វិញ​មាន​ យុវជន​របស់​ BEC Tero Sasanaចេនរ៉ុប​ សាំផៅឌី​ និង​ អ៊ីតសាក់រីយ៉ាក់​ ម៉ារ៉ុម​ មក​ពី​ Nunthaburi FC ។​

សូម​ចុច​អាន៖ ចាំ​អត់ ! U23កម្ពុជា​ឈ្នះ BIDC Cup 2009 ទទួល​បាន​ម៉ូតូ​ម្នាក់​មួយ​គ្រឿង

ចំពោះ​កីឡាករ​ដទៃ​ទៀត​ សុទ្ធ​តែ​ជា​កីឡាករ​លេង​នៅ​ក្នុង​ក្លិប​ផ្សេង​ៗ​របស់​លីក​កំពូល​ Thai Premier League ដូចជា​ក្លិប​ Army United ក្លិប​ Bangkok Glass FC និង​ក្លិប​ Chainat FC ជាដើម។​ ខាងក្រោម​នេះ​ជា​បញ្ជី​ឈ្មោះ​កីឡាករ​ U23 ជម្រើស​ជាតិ​ថៃ​ ដែល​ត្រូវ​មក​ចូលរួម​ BIDC Cup 2013 ៖

ល.រ​ ឈ្មោះ​ តំណែង​លេង​ មក​ពី​ក្លិប​
១​ ប្រះផ័ត​ យុតក្រៃ​ អ្នកចាំទី​ Osotspa Saraburi FC
២​ អានុស៊ីត​ តឿមមី​ Bangkok United
៣​ ស៊ុមផន​ យុត​ BEC Tero Sasana
៤​ ដេឆា​ សងឌី​ ខ្សែការពារ Rayong United
៥​ អេកាស៊ីត​ ឆាវបុត្រ​ Paknampho FC
៦​ អាឌិសន​ ព្រំរ័ក​ Army United
៧​ សាក់កាដា ហ្វាយអ៊ីន​ Osotspa Saraburi FC
៨​ រ៉ាត់ឆានុន កាន់យ៉ាថង​ Songkhla United
៩​ វីដវីន ខ្លងវុឌ្ឍីវ៉ាត់​ Chainat FC
១០​ ឆូតណាន់​ ធីរៈផាត់ភុង​ Chainat FC
១១​ ភីធីវ៉ាត់​ ស៊ុកជិតថាំម៉ាគុណ​ ខ្សែបម្រើ​ Nunthaburi FC
១២​ ភីរ៉ាត់ឌុន​ ឆាំរ័តស្ម៊ី​ Chamchuri United
១៣​ អាត់ថាវីដ​ ស៊ុកឈួយ​ Ratchaburi FC
១៤​ គីតធីសាក់​ ប៊ុនផា​ Osotspa Saraburi FC
១៥​ អាត់ឌីសាក់​ គ្លីនកូស៊ុម​ Chainat FC
១៦​ សារ៉ាត់​ យូយេន​ Nakhonrachasima FC
១៧​ ជីរ៉ាវុធ​ សារ៉ាណាន់​ ខ្សែប្រយុទ្ធ​ Trat FC
១៨​ អាធីថាត់​ ជុយមណី​ Songkhla United
១៩​ វ៉ានីត​ ចៃស៊ែន​ Songkhla United
២០​ ឆៈណាក់​ ស៊ុនវិសេត​ Phuket FC
២១​ ថាក់ណាស៊ីត​ ស៊ិរិផ្លា​ Bangkok Glass FC
២២​ អានុន​ សាន់ម៉ាត​ BEC Tero Sasana
២៣​ អ៊ីតសាក់រីយ៉ាក់​ ម៉ារ៉ុម​ Nunthaburi FC
២៤​ ថាក់ណាកន​ ឌែងថង​ Army United
២៥​ ចេនរ៉ុប​ សាំផៅឌី​ BEC Tero Sasana

គីឡូ​ប៉ុណ្ណឹង​ តើ​ថៃ​អាច​ឆ្លង​ទៅ​វគ្គ​ពាក់​កណ្ដាល​ផ្ដាច់ព្រ័ត្រ​បាន​ដែរ​ឬ​ទេ?